ბოლო დღეების განმავლობაში ჩვენ არა მხოლოდ შიკირებული არამედ შეშფოთებულნი ვართ იმის გამო, თუ რა ტანჯვა მიაყენა ათი თასობით ადამიანს დაბომბვამ, პირველ რიგში რუსეთის მხრიდან“, - ამის შესახებ გერმანიის კანცლერმა ანგელა მერკელმა თურქეთის პრემიერ-მინისტრთან დავით ოღლუსთან ერთად გამართულ პრესკონფერენციაზე განაცხადა.
მერკელმა ასევე აღნიშნა, რომ სირიის კონფლიქტის ყველა მხარემ უნდა დაიცვას გაეროს უშიშროების საბჭოს რეზოლუცია, რომელიც სირიის მშვიდობიანი მოსახლეობის დაცვას ეხება.
„უშიშროპების საბჭო მოითხოვს, რომ ყველა მხარემ დაუყოვნებლივ შეწყვიტოს იერიში მშვიდობიან მოსახლეობაზე და სამოქალაქო ობიეტებზე, უარი თქვან ნებისმიერი სახის იარაღის გამოყენებაზე, მათ შორის - საჰაერო იერიშზე“, - განაცხადა მერკელმა.
რუსეთმა სირიაში ავიაიერიშები გასული წლის 30 სექტემბერს დაიწყო. პირველივე დღიდან გაჩნდა ინფორმაცია იმის შესახებ, რომ რუსეთი მშვიდობიან მოსახლეობას ბომბავდა და ასადის მოწინააღმდეგეებს უპირისპირდებოდა. გასული წლის ბოლოს Amnesty International-მა რუსეთს ბრალი დასდო 200 მშვიდობიანი მოსახლის დახოცვაში. ორი დღის წინ აშშ-ის სახელმწიფო მდივანმა ჯონ კერიმ რუსეთის წინააღმდეგ ანალოგიური ბრალდება გააჟღერა.
