7 თებერვალს, ჩრდილოეთ კორეამ შესაძლოა, ბალისტიკური რაკეტა გამოსცადოს. თუმცა, რეგიონალური მედიის ინფორმაციით, ჩრდილოეთ კორეის ხელისუფლება აცხადებს, რომ კოსმოსში სატელიტის გაგზავნას გეგმავენ.
ამის შესახებ ინფორმაციას BBC ავრცელებს, სადაც საერთაშორისო საზოგადოების პოზიციებიც არის დაფიქსირებული.
ჩრდილოეთ კორეის გეგმები უკვე დაგმეს მსოფლიოს წამყვანმა ქვეყნებმა. საერთაშორისო საზოგადოების მოსაზრებით, ფხენიანი ამგვარად ბალისტიკური რაკეტის გამოცდას გეგმავს.
სამხრეთ კორეა კი ჩრდილოეთს აფრთხილებს, რომ რაკეტის გაშვება ფხენიანს "ძვირი დაუჯდება".
იაპონიის თავდაცვის მინისტრმა კი ბრძანება გასცა, რომ, იმ შემთხვევაში, თუ რაკეტა ქვეყნის საჰაერო სივრცეს მიუახლოვდება, მას ჩამოაგდებენ.
