სირიაში რუსი მრჩეველი დაიღუპა. ამის შესახებ რუსეთის თავდაცვის სამინისტრო იტყობინება. გავრცელებული ინფორმაციით, ოფიცერი სირიული არმიის შენაერთზე ისლამური სახელმწიფოს მებრძოლთა თავდასხმას ემსხვერპლა. რუსული მხარის განმარტებით, სამხედრო კონსულტანტი სირიის არმიას კონსულტაციებს თანამედროვე იარაღის ათვისებაში უწევდა, რომლითაც რუსეთი დამასკოს ამარაგებს. გარდაცვლილი ოფიცრის ვინაობა არ სახელდება.
