ევროკავშირმა რუსეთს სანქციები უნდა გაუგრძელოს. ამის შესახებ გერმანიის კანცლერმა უკრაინის პრეზიდენტთან შეხვედრის შემდეგ გამართულ ერთობლივ ბრიფინგზე განაცხადა. ანგელა მერკელის თქმით, დონბასში ვითარების სტაბილიზაცია შორეულ პერსპექტივად ჩანს, რის გამოც მოსკოვისთვის სანქციების მოხსნაზე ფიქრი ნაადრევია. მერკელის მოსაზრებას სრულებით იზიარებს უკრაინის ლიდერი. პეტრო პოროშენკოს თქმით, რუსეთს სანქციები მანამდე არ უნდა გაუუქმდეს, სანამ მინსკის შეთანხმებით აღებულ ვალდებულებებს არ შეასრულებს.
