მოლდოვის ოპოზიცია კიშინევში საპროტესტო აქციების განახლების საკითხს განიხილავს. ამის შესახებ სოციალისტთა ლიდერმა იგორ დოდონმა განაცხადა. მისივე თქმით, სამოქალაქო ფორუმზე შემუშავებულ მოთხოვნათა პაკეტს ოპოზიცია ხელისუფლებას ხვალისთვის გადასცემს. ხელისუფლება მოლაპარაკებებზე თანხმობას აცხადებს. მასობრივი საპროტესტო აქციები კიშინევში მას შემდეგ დაიწყო, რაც პარლამენტმა პრემიერის პოსტზე პაველ ფილიპის კანდიდატურა დაამტკიცა. ოპოზიციამ მთავრობის გადაყენება და ვადამდელი საპარლამენტო არჩევნების დანიშვნა მოითხოვა.
