სირიაში ტერაქტების შედეგად დაღუპულთა რაოდენობა იზრდება. ბოლო მონაცემებით, დამასკოს სამხრეთ ნაწილში მომხდარ აფეთქებებს 50-მდე ადამიანი ემსხვერპლა, 100-ზე მეტი კი დაშავდა. რამდენიმე მათგანის მდგომარეობა კრიტიკულია, რის გამოც მსხვერპლი შესაძლოა გაიზარდოს. ტერორისტთა სამიზნე საიდ ზეინაბის შიიტური რაიონი გახდა. მომხდარზე პასუხისმგებლობა ისლამურმა სახელმწიფომ აიღო.
