ხაზგასმით ვამბობ, აგვისტოს ომის დროს სამხედრო დანაშაული, არც ერთ ქართველ - არც სამხედრო, არც სამოქალაქო ხელმძღაბელ პირს არ ჩაუდენია, - განაცხადა ტელეკომპანია ”იმედის” ეთერში საქართველოს თავდაცვის მინისტრმა თინა ხიდაშელმა. მინისტრი დარწმუნებულია, რომ ჰააგის სისხლის სამართლის სასამართლო, რომელიც 2008 წლის რუსეთ–საქართველოს ომის დროს ჩადენილ დანაშაულს იძიებს, სიმართლეს დაადგენს.
”მე მხოლოდ ერთი რამ შემიძლია გამოვრცხო, მე მანამდე ვიყავი არასამათავრობო ორგანიზაციის წარმომადგენელი, რომელმაც დაწერა ის ანგარიში, რომელსაც დაეყრდნო დიდწილად პროკურორი და დღეს ვარ თავდაცვის მინისტრი. მანამდე მქონდა ამის ვარაუდი, დღეს მაქვს აბსოლუტური რწმენა, იმიტომ რომ ხელმისაწვდომობა მაქვს იმ ინფორმაციაზე, რომელზეც მანამდე არ მქონდა - რომ არც ერთ ქართველ მაღალჩინოსანს - სამხედროს თუ საემოქალაქოს, ომის დანაშაული არ ჩაუდენია. ჩვენ გვქონდა პოლიტიკური პრობლემები იმ ხელისუფლებასთან, დღესაც გვაქვს, ვფიქრობ, რომ ძალიან ბევრი არასწორი რამ მოხდა აგვისტოს ომის დროს, მაგრამ კიდევ ერთხელ ხაზგასმით ვამბობ - სამხედრო დანაშაული არც ერთ ქართველ - არც სამხედრო, არც სამოქალაქო ხელმძღაბელ პირს არ ჩაუდენია. მე ამაში ვარ დარწმუნებული”, - განაცხადა ხიდაშელმა.
მინისტრის თქმით, საქართველოს აქვს ძალიან დიდი ინტერესი ამ გამოძიებაში და იმედს გამოთქვამს, რომ უახლოეს მომავალში წერტილი დაესმება ყველა სპეკულაციას რაც აგვისტოს ომთან დაკავშირებით არსებობს.
”ქართული სახელმწიფოს ეგზისტენციალური ინტერესი არის, რომ ერთხელ და სამუდამოდ სახელი დაერქვას იმ უმძიმეს დანაშაულს, რომელიც პრინციპში 20 წელია საქართველის წინააღმდეგ ხორციელდება. თუმცა, აგვისტოს ომის შემდეგ, უფრო ნათლად და ცხადად დაინახა მთელმა მსოფლიომ. ამიტომ ჩვენ ინტერესით დაველოდებით გამოძიებას, იმის იმედით, რომ დასდატურდება დანაშაულიც და დადასტურდება დანაშაულ პირთა ჩამდენი ხაზიც, წრეც. საბოლოო ჯამში, გაირკვევა სინამდვილეში რა მოხდა აგვისტოს ომის დროს”, - განაცხადა მინისტრმა.
