პარლამენტის საფინანსო-საბიუჯეტო კომიტეტის თავმჯდომარის თამაზ მეჭიაურის განცხადებით, მთავრობა და ეროვნული ბანკი ნაყოფიერად თანამშრომლობენ.
კომიტეტის ფარგლებში ეროვნული ბანკის, ფინანსთა და ეკონომიკის სამინისტროების წარმომადგენლებთან ლარის კურსის თემაზე დახურული შეხვედრის შემდეგ, მეჭიაური აცხადებს, რომ მჭიდრო თანამშრომლობის შედეგად, ლარის კურსის გამყარებას უახლოეს ხანებში უნდა ველოდოთ.
დღევანდელ შეხვედრაზე დაფიქსირდა, რომ მთავრობა - სამინისტროების სახით და ეროვნული ბანკი ერთმანეთთან ნაყოფიერად თანამშრომლობენ და მომავალში კიდევ უფრო მჭიდრო ურთიერთობას გააგრძელებენ, რაც კიდევ უფრო მეტად აისახება იმ შედეგში, რა შედეგიც მოსახლეობას აინტერესებს. ეს ნიშნავს იმას, რომ პირველ რიგში შეჩერდეს ლარის კურსის ვარდნა და დაიწყოს მისი გამყარება, რის ტენდენციებსაც, მათ ინფორმაციებს თუ დავეყრდნობით, უახლოეს ხანში უნდა ველოდოთ", - აღნიშნა მეჭიაურმა.
რაც შეეხება სებ-ის მიმართ შეხვედრაზე გაჩენილ კითხვებს, დეპუტატმა განაცხდა, რომ
"ისინი გამოცდის ჩასაბარებლად არ მიუწვევია".
