,,თვისუფალი დემოკრატების“ ერთ-ერთი ლიდერი ვიქტორ დოლიძე მიიჩნევს, რომ ეროვნული ვალუტის ვარდნასთან დაკავშირებით გამოწვევებს ხელისუფლება ვერ უმკლავდება. მისი თქმით, შესაბამისი ნაბიჯების გადადგმის შემთხვევაში პრობლემა მოსახლეობაზე ნაკლებად იქნებოდა ასახული.
"ამგვარი რაღაცეები ყველა სახელმწიფოში ხდება, რაც ბუნებრივია არ არის სასიამოვნო, მაგრამ ხელისუფლება თუკი დგამს შესაბამის ნაბიჯებს, პრევენციის თვალსაზრისით, ისივე როგორც ზოგადად ეკონომიკური მიმართულებით, მაშინ როგორც წესი ეს მდგომარეობა უფრო ნაკლებად აისახება მოსახლეობაზე. ძალიან ცუდია, რომ ჩვენთან ჯერჯერობით ამგვარი ტენდეციები არ შეიმჩნევა და მხოლოდ უარყოფითია დამოკიდებულება. მე არ ვთვლი, რომ ხელისუფლებამ შეძლო ამ გამოწვევებთან გამკლავება“, - აღნშნა ვიტორ დოლიძემ.
შეგახსენებთ, აშშ დოლართან მიმართებაში, ლარი გაუფასურებას განაგრძობს. ეროვნული ბანკის მიერ დღეისთვის დადგენილი კურსით, ერთი აშშ დოლარი 2.4445 ლარი ღირს. გუშინ დოლარის ღირებულება 2.4317 ლარი იყო.
რაც შეეხება ევროს კურსს, სებ-ის ინფორმაციით, დღეიდან ერთი ევროს შეძენა 2.6635 ლარად იქნება შესაძლებელი. გუშინ კი მისი ღირებულება 2.6583 ლარი იყო.
