ანტიტერორისტული ოპერაციის დაწყებიდან დღემდე ერაყსა და სირიაში 22 ათასზე მეტი ისლამისტი იქნა ლიკვიდირებული. ამის შესახებ საფრანგეთის თავდაცვის მინისტრმა ჟან-ივ ლე დრიანმა განაცხადა. მისივე თქმით, დღეისათვის ისლამური სახელმწიფოს რიგებში 35 ათასამდე მებრძოლი ირიცხება. მათგან 12 ათასი უცხოეთის მოქალაქეა. ლე დრიანის განცხადებით, ისლამისტთა პოზიციები ბოლო თვეების განმავლობაში საგრძნობლად შესუსტდა, რის გამოც ისინი მასშტაბურ იერიშებზე ვეღარ გადადიან.
