უსაფრთხოებასთან დაკავშირებული მოსაზრებების გამო, უცხოეთში მოგზაურობისგან თავის შეკავებას რუსეთის მოქალქეების 70% სწორ გადაწყვეტილებად მიიჩნევს, - ამის შესახებ ნათქვამია „ლევადა-ცენტრის“ მიერ ჩატარებული გამოკითხვის შედეგებში.
გამოკითხულთა 11 % აცხადებს, რომ უცხოეთში მგზავრობისგან თავს იკავებს არა უსაფრთხოების არამედ, შესაბამისი მომსახურეობის გაძვირების გამო. კვლევიდან ირკვევა, რომ მოსახლეობის 65%-ს ბოლო 5 წლის განმავლობაში ქვეყანა არ დაუტოვებია. კვლევის ორგანიზატორები აცხადებენ, რომ ეს არის ძირითადად 55 წელზე მეტი ასაკისა და სოფლად მცხოვრები მოსახლეობა, რომელთაც დაბალი შემოსავლები აქვთ.
გამოკითხვა რუსეთის 137 დასახლებულ პუნქტში ჩატარდა. რუსეთის ტურისტული ბიზნესი განსაკუთრებულ ჩავრდნას მას შემდეგ განიცდის, რაც ეგვიპტეში რუსელი თვითმფრინავი ჩამოვარდა და 200-ზე მეტი ადამიანი დაიღუპა. ასევე მნიშვნელოვან ფაქტორად მიიჩნევა თურქეთთან დაძაბული ურთიერთობა. ბოლო პერიოდში რუსეთის ტურისტული ბიზნესის ვარდნამ 70% შეადგინა.
