საფრანგეთის ეკონომიკის მდგომარეობა საგანგებოა. ამის შესახებ ქვეყნის პრეზიდენტმა ფრანსუა ოლანდმა განაცხადა. მისივე თქმით, მთავრობამ უმუშევრობასთან საბრძოლველად 2 მილიარდი ევრო გამოყო. ორწლიანი გეგმის თანახმად, კომპანიები, რომლებშიც 250 ათასამდე ადამიანია დასაქმებული, დამატებითი კადრის აყვანის სანაცვლოდ სოლიდურ სუბსიდეებს მიიღებენ. უმუშევრობის მაჩვენებელი საფრანგეთში დღეისათვის 10,6 პროცენტს შეადგენს.
