უამინდობა თურქეთში. სტამბოლში გადაუღებლად თოვს. უხვთოვლობამ ქალაქში სატრანსპორტო მოძრაობის პარალიზება გამოიწვია. შეფერხებით მუშაობს ათათურქისა და საბიჰა გეკჩენის აეროპორტებიც. უამინდობის გამო თურქეთის ავიახაზებმა 300-მდე რეისი გადადო. შეწყვეტილია სასწავლო პროცესიც. თოვლისგან გზების გაწმენდას სამაშველო ჯგუფები სპეციალური ტექნიკის დახმარებით ცდილობენ.
