დღეს ვენაში გაიმართება აშშ-ის სახელმწიფო მდივნის ჯონ კერის და ირანის საგარეო საქმეთა მინისტრის მოჰამად ჯავად ზარიფის შეხვედრა. როგორც ანალიტიკოსები ვარაუდობენ, სწორედ ამ შეხვედრის შემდეგ გაკეთდება განცხადება ირანისთვის საერთაშორისო სანქციების მოხსნის შესახებ. ავსტრიის დედაქალაქში ატომური ენერგიის საერთაშორსო სააგენტო წარმოადგენს მოხსენებას ირანის მიერ ბირთვული პროგრამის ფარგლებში აღებული ვალდებულებების თაობაზე. ადრე მიღწეული შეთანხმების მიხედვით, ირანი დათანხმდა მხოლოდ მშვიდობიანი ბირთვული პროგრამის განხორციელებას. სანქციების გაუქმების შეთხვევაში, ირანისთვის ხელმისაწვდომი გახდება მისი საერთაშორისო აქტივები, რომლებიც ამ დრომდე გაყინული იყო. აღნიშნული აქტივები აშშ-ის ფინანსთა სამინისტროს შეფასებით 50 მილარდ აშშ დოლარს შეადგენს. ირანს ასევე მიეცემა შესაძლებლობა განახორციელოს დღე-ღამეში 500 ათასი ბარელი ნავთობის ექსპორტი.
