ფრანგული სატირული გამოცემის, „შარლი ებდოს“ ახალი ნომერი კიოლნის მოვლენებს მიეძღვნა. ჟურნალის გარეკანზე გერმანელი ქალია გამოსახული, რომელსაც სირიელი ლტოლვილები მისდევენ. გარეკანის ზემო კუთხეში კი სამი წლის სირიელი ლტოლვილი ბიჭუნა აილან კურდია დახატული, რომელიც ოჯახთან ერთად ხმელთაშუა ზღვაში დაიღუპა, როდესაც მისი ოჯახი ევროპის ტერიტორიაზე შეღწევას ცდილობდა. კარიკატურას შემდეგი შინაარსის წარწერა აქვს: „რას იზამდა პატარა აილანი, რომ გაზრდილიყო? ალბათ, გერმანიაში დუნდულებს დაედევნებოდა.“ კიოლნელ ქალბატონებზე მასობრივი თავდასხმები ახალი წლის ღამეს განხორციელდა. თავდამსხმელთა უმრავლესობა სირიელი მიგრანტი იყო.
