2016 წელს ხელისუფლების მთავარი პრიორიტეტი დონბასის დაბრუნება იქნება. ამის შესახებ უკრაინის პრეზიდენტმა კიევში გამართულ პრესკონფერენციაზე განაცხადა. მისივე თქმით, უკრაინა დონეცკისა და ლუგანსკის ოკუპირებულ ტერიტორიებზე საკუთარ სუვერენიტეტს აღადგენს, რაც პოლიტიკური და დიპლომატიური გზით მოხდება. უკრაინის ლიდერი ყირიმის ნახევარკუნძულის დეოკუპაციისთვის საერთაშორისო დიპლომატიური მექანიზმის შექმნის ინიციატივითაც გამოდის, რომელშიც დასავლეთი აქტიურად უნდა იყოს ჩართული.
