პოსტსაბჭოეთში ყველაზე მშიერი ქვეყანა ტაჯიკეთია. საგანგაშო სტატისტიკას სასურსათო კვლევების საერთაშორისო კვლევითი ინსტიტუტი აქვეყნებს. ამავე მონაცემებით, ტაჯიკეთში მოსახლეობის 33 პროცენტი შიმშილობს. ეკონომიკური მდგომარეობის გაუარესება ფულადი გზავნილების შემცირებით არის გამოწვეული, რაც თავის მხრივ, რუსეთში შექმნილ ეკონომიკურ კრიზისს უკავშირდება. 2014 წელთან შედარებით გასულ წელს შრომითი მიგრანტების ფულადი გზავნილები რუსეთიდან ტაჯიკეთში 40 პროცენტით შემცირდა.
