ტერორისტული აქტების სერია ინდონეზიაში. თვითმკვლელმა ტერორისტმა თავი ჯაკარტას ცენტრალურ რაიონში აიფეთქა. ტერაქტი პრეზიდენტის სასახლის სიახლოვეს, სავაჭრო ცენტრთან განხორციელდა. აფეთქებას 2 ადამიანი ემსხვერპლა. არიან დაშავებულებიც. კიდევ ორი აფეთქება სავარაუდოდ თურქეთისა და პაკისტანის საელჩიებთან მოხდა. ისმოდა სროლის ხმაც. მომხდარზე პასუხისმგებლობა ჯერჯერობით არცერთ რადიკალურ ისლამისტურ დაჯგუფებას არ აუღია. თავდასხმებში სავარაუდოდ 15-მდე ადამიანი მონაწილეობდა. ინდონეზიის დედაქალაქში ამ დროისათვის პოლიცია და სამხედრო ნაწილებია მობილიზებული.
