პოლიტიკური დაძაბულობა მოლდოვაში პიკს აღწევს. კიშინევში პრემიერობის კანდიდატის, ცნობილი ოლიგარქის, ვლადიმერ პლახოტნიუკის მხარდამჭერებისა და მოწინააღმდეგეების აქციები გაიმართა. დემოკრატიული პარტიის კანდიდატს მოლდოვის პრეზიდენტმა მხარი არ დაუჭირა. ნიკოლაი ტიმოფტიმ ღიად განაცხადა, რომ პლახოტნიუკის პროფესიულ პატიოსნებაში ეჭვი შეაქვს და უმრავლესობას ახალი კანდიდატურის შერჩევისკენ მოუწოდა. პლახოტნიუკს 2013 წლის თებერვალში უნდობლობა პარლამენტმაც გამოუცხადა, როდესაც ოლიგარქი ვიცე-სპიკერის პოსტს იკავებდა.
