ბოლო ერთი თვის განმავლობაში სომხეთში ღორის გრიპს 10 ადამიანი ემსხვერპლა. ამის შესახებ სომხეთის ჯანდაცვის სამინისტროს პრეს-ცენტრის ხელმძღვანელმა განაცხადა. ანაიტ აიტაიანის ინფორმაციით, მეათე პაციენტი ერევნის კლინიკაში გუშინ გარდაიცვალა. მის გადასარჩენად ექიმები კვირაზე მეტხანს იბრძოდნენ. დღეისათვის სომხეთის ინფექციურ კლინიკებში ღორის გრიპის დიაგნოზით 81 პაციენტი რჩება. 14 მათგანი ხელოვნური სუნთქვის აპარატს არის მიერთებული.
