ბრიუსელი ბელარუსის ხელისუფლებას სასიკვდილო განაჩენზე მორატორიულის გამოცხადებისკენ მოუწოდებს. საგანგებო განცხადება ევროკავშირის საგარეო პოლიტიკის დეპარტამენტმა გააკეთა. „ბელარუსი ერთადერთი ქვეყანაა ევროპაში, სადაც სასჯელის უმაღლესი ზომა კვლავინდებურად გამოიყენება. მოვუწოდებთ მინსკს, სასიკვდილო განაჩენზე საყოველთაო მორატორიუმს შეუერთდეს, რაც სასჯელის უმაღლესი ზომის გაუქმებისკენ გადადგმული პირველი ნაბიჯი იქნება,“-ნათქვამია დოკუმენტში. ბოლო 6 წლის განმავლობაში სასიკვდილო განაჩენი ბელარუსში 11 პირს გამოუტანეს.
