რუსეთის ფინანსთა მინისტრის თქმით, ქვეყანაში შესაძლოა 1998-1999 წლების მოვლენები განმეორდეს. ანტონ სილუანოვის განმარტებით, რუსეთის ბიუჯეტი შექმნილ ეკონომიკურ ვითარებაზე უნდა გადაეწყოს, წინააღმდეგ შემთხვევაში კი შესაძლოა ნავთობის გაუფასურებით შექმნილმა ვითარებამ მოსახლეობას სერიოზული პრობლემები შეუქმნას, რაც ძლიერი ინფლაციით იქნება გამოწვეული. მისივე თქმით, ამჟამად რუსეთის ბიუჯეტი ბარელი-82 დოლარის ნიშნულზეა ბალანსირებული, რაც სასწრაფოდ არის შესაცვლელი. წინააღმდეგ შემთხვევაში დეფოლტი შესაძლოა გარდაუვალი გახდეს. ამჟამად ბარელი ნავთობის ფასი მსოფლიო ბაზარზე 30 დოლარიან ნიშნულს ქვემოთ დაეცა.
