მსოფლიოში ცვლილებების ტემპი დაჩქარდება, რის გამოც შეერთებულმა შტატებმა თავისი პოლიტიკური სისტემა უნდა “შეაკეთოს.” ამის შესახებ კონგრესისადმი ყოველწლიურ მიმართვაში თეთრი სახლის ლიდერმა განაცხადა. “მოგვწონს თუ არ მოგვწონს, ცვლილებები იქნება და მას ფეხი უნდა ავუწყოთ. შეერთებული შტატები არაერთი დიდი ცვლილების მომსწრეა. ჩვენ გადავიტანეთ ბევრი ომი, ეკონომიკური დეპრესიები, მიგრანტთა კრიზისები. მაშინაც იყვნენ ადამიანები, რომლებსაც მომავლისა და ცვლილებების ეშინოდათ, მაგრამ ჩვენ მივაღწიეთ იმას, რომ ამ ცვლილებებს ჩვენზე ემუშავა,”-განაცხადა ობამამ. კონგრესს თეთრი სახლის ლიდერმა პრეზიდენტის რანგში ბოლოჯერ მიმართა. საპრეზიდენტო უფლებამოსილება მას მომავალი წლის იანვარში ეწურება.
