,,არჩევნებზე უნდა იყონ ხმის მომტანებიც, ავტორიტეტები, რომლებიც ბიძინა ივანიშვილის მიერ მოტანილ ხმებს გაამაგრებენ”, - ამის შესახებ პარლამენტის საფინანსო-საბიუჯეტო კომიტეტის თავმჯდომარემ თამაზ მეჭიაურმა დღეს გამართულ პრესკონფერენციაზე მმართველი გუნდის საარჩევნო სიაზე საუბრისას განაცხადა.
მისი თქმით, პარლამენტში სპორტსმენიც უნდა იყოს, იურისტიც და ეკონომისტიც.
„ამ სპორტსმენებმა ძალიან დიდი როლი შეასრულეს დღევანდელი ხელისუფლების სათავეში მოსვლაში, მათთვის ვიღაცას მიერ დამადლება მხოლოდ იმიტომ, რომ ზოგი ოქსფორდში სწავლობდა და ზოგი კემბრიჯში, ქედმაღლურად მათზე ყურება არ მიმაჩნია სწორად.
ამ სპორტსმენებს აქვთ თავისი დამსახურება”, - განაცხადა მეჭიაურმა.
მან აღნიშნა, რომ სპორტსმენობას კახა კალაძესთვის წარმატებულ მინისტრობაში ხელი არ შეუშლია.
მეჭიაურის თქმით, არჩვენებზე აუცილებელია ავტორიტეტებიც, რომლებიც ბიძინა ივანიშვილის მოტანილ ხმებს გაამაგრებენ.
,,უნდა იყოს ხმის მომტანებიც, ავტორიტეტები, რომლებიც ბიძინა ივანიშვილის მიერ მოტანილ ხმებს გაამაგრებენ. კარგი იქნება, თუ ამ ავტორიტეტთან ერთად თავისი პროფესიული წარმატებებიც ექნება. ასევე, შეიძლება ნაკლებად ცნობადი, მაგრამ მაღალი კვალიფიკაციის მქონე პროფესიონალებიც იყოს“, - განაცხადა მეჭიაურმა.
