ოდესის გუბერნატორმა საკუთარი მრჩეველი ვლადიმერ რეზნიკი სამსახურიდან დაითხოვა და სამართალდამცავ ორგანოებს მისი საქმიანობის შესწავლა დაავალა. ამის შესახებ მიხეილ სააკაშვილი სოციალურ ქსელ ფეისბუკში წერს.
„ჩვენთვის ცნობილი გახდა, რომ რეზნიკს გარკვეულ დოკუმენტებზე აქვს ხელი მოწერილი, რომლებიც სამშენებლო სამუშაოებს უკავშირდება. მე დღეს ის საჯაროდ დავითხოვე სამსახურიდან და მის მიერ ვიზირებული დოკუმენტების შესწავლა მოვითხოვე. ჩვენ კორუფციასთან უშეღავათო ბრძოლას განვაგრძობთ,“-წერს სააკაშვილი.
