ფრანგული ავიაკომპანიის, Air France-ის კუთვნილი თვითმფრინავის შასიში მამაკაცის ცხედარი აღმოაჩინეს. ამის შესახებ სააგენტო ფრანს-პრესი იტყობინება. გავრცელებული ინფორმაციით, თვითმფრინავი ორლის აეროპორტში დაეშვა. რეისი მან ბრაზილიის ქალაქ სან-პაულოდან შეასრულა. გარდაცვლილის ცხედარი პარიზის სასამართლო მედიცინის ცენტრში ექსპერტიზაზე გადაასვენეს. ინციდენტის სხვა დეტალები ამ დრომდე უცნობია.
