თეთრი სახლი შონ პენს დაუპირისპირდა. ამის მიზეზი ჟურნალ “როლინგ სთოუნში” გამოქვეყნებული სტატია გახდა, რომელშიც მსახიობი ცნობილ მექსიკელ ნარკობარონ ხოაკინ გუსმანთან შეხვედრას აღწერს. შონ პენი ნარკობარონს იმ პერიოდში შეხვდა, როდესაც ციხიდან გაქცეული გუსმანი მალვაში იმყოფებოდა. შეხვედრა სავარაუდოდ გასული წლის შემოდგომაზე შედგა. ნარკობარონი ციხეში გასულ კვირას დააბრუნეს.
