ენერგეტიკის მინისტრის, ვიცე-პრემიერის კახა კალაძის განცხადებით, ცვლილებები მთავრობაში ყოველთვის იყო, არის და ალბათ, მომავალშიც იქნება.
მთავრობის დღევანდელი სხდომის დასრულების შემდეგ, მან ჟურნალისტებთან მთავრობაში მოსალოდნელი საკადრო ცვლილებების თემის კომენტირებისას ასევე განაცხადა, რომ ყველა განხორციელებული ცვლილება არის სწრაფვა უკეთესობისკენ.
„სამთავრობო ცვლილებები ჩვეულებრივი პროცესია. ცვლილებები შეიძლება განხორციელდეს. ზოგადად, ყველა განხორციელებული ცვლილება არის სწრაფვა უკეთესობისკენ.
ცვლილებები ყოველთვის იყო მთავრობაში, არის და ალბათ, მომავალშიც იქნება. ეს ნორმალური პროცესია“, - განაცხადა კახა კალაძემ.
