ალ-ქაიდა ისევ იმუქრება. ახალი ვიდეომიმართვა ტერორისტთა ერთ-ერთ საიტზე გვიან ღამით გავრცელდა. ამჯერად ტერორისტები მასშტაბური ტერორისტული აქტებით ნეაპოლს, რომსა და მადრიდს დაემუქრნენ. 13 წუთიან ვიდეორგოლში მალიში მოქმედი ისლამისტური დაჯგუფების მებრძოლები ჩანან. მათ შორის ესპანეთის მოქალაქე აბუ ალ-ნურ ალ-ანდალუსიც არის, რომელიც რადიკალებს რამდენიმე წლის წინ შეუერთდა.
