ძალადობისა და ყაჩაღობის რამდენიმე შემთხვევა კიოლნის შემდეგ ციურიხშიც დაფიქსირდა. ახალი წლის დღეებში პოლიციას ათობით დაზარალებულმა მიმართა. მათი მტკიცებით, თავდასხმებში არაევროპული გარეგნობის მამაკაცები, სავარაუდოდ მიგრანტები მონაწილეობდნენ. თავდასხმის ობიექტები კი ძირითადად ქალბატონები გახდნენ. მიგრანტთა მხრიდან ძალადობის მასობრივი აქტები ახალი წლის დღეებში გერმანულ კიოლნში განხორციელდა, რასაც ადგილობრივთა პროტესტი მოჰყვა.
