კიევის მიერ მოსკოვისთვის წაყენებულ პირობებს ყირიმის დეფაქტო ლიდერი ეხმაურება. საგანგებო განცხადება სერგეი აკსენოვმა საგანგებო პრესკონფერენციაზე გააკეთა. „კიევმა ერთხელ და სამუდამოდ უნდა შეიგნოს, რომ ყირიმი უკრაინის შემადგენლობაში აღარასდროს დაბრუნდება. საკუთარი ქმედებებით უკრაინის ხელისუფლებამ ყირიმის ბაზარზე კონტროლი საერთოდ დაკარგა და ყირიმელები თავის წინააღმდეგ კიდევ უფრო უარყოფითად განაწყო,“-აღნიშნა აკსენოვმა. ყირიმს უკრაინიდან ელექტროენერგია უკვე 4 დღეა, არ მოეწოდება. ანექსირებული ნახევარკუნძულის ენერგომომარაგების სანაცვლოდ კიევი კონტრაქტში სპეციალური მუხლის შეტანას ითხოვს, სადაც ნათქვამია, რომ სევასტოლოლი და ყირიმი უკრაინის ნაწილია.
