დამასკო ერდოგანს ოსმალეთის იმპერიის აღდგენის მცდელობაში ადანაშაულებს. საგანგებო განცხადება გაეროში სირიის მუდმივმა წარმომადგენელმა ბაშარ ჯააფარიმ გააკეთა. „ერდოგანმა რამდენიმე წლის წინ განაცხადა, რომ თურქების უსაფრთხოებას ქვეყნის ფარგლებს გარეთაც დაიცავს, მიუხედავად იმისა, თუ რომელ სახელმწიფოში ცხოვრობენ ისინი. ეს სხვა არაფერია, თუ არა სხვა ქვეყნების სუვერენიტეტის შელახვა. ისინი თანამშრომლობენ ისლამურ სახელმწიფოსთან, სჩადიან სამხედრო დანაშაულს სირიელი ხალხის წინააღმდეგ, აგდებენ რუსულ თვითმფრინავებს. საერთაშორისო საზოგადოებამ თურქეთის ქმედებებზე თვალი არ უნდა დახუჭოს,“-აღნიშნა ჯააფარიმ.
