ირანმა გამდიდრებული ურანის ნაწილი რუსეთში გაგზავნა. ამის შესახებ ამერიკის სახელმწიფო მდივანი ჯონ ქერი იტყობინება. მისივე ინფორმაციით, 11 ტონა რადიოაქტიური მასალა რუსეთში გემით გაიგზავნა, რაც ქერის შეფასებით, ბირთვული შეთანხმების რეალიზების კუთხით თეირანის მიერ გადადგმული მნიშვნელოვანი ნაბიჯია. რუსეთში გამდიდრებული ურანის გადატანას ირანი ივლისში საერთაშორისო ექვსეულთან მოლაპარაკებისას დათანხმდა.
