“შავი ოქროს” გაუფასურებამ ყველაზე მეტად რუსეთის მოსახლეობა დააზარალა, თუმცა ქვეყნის მცხოვრებლები იმედს არ კარგავენ, რომ მომავალი წელი 2015 წელზე უკეთესი იქნება. ლევადა-ცენტრის გამოკითხვის შედეგებით, რესპოდენტთა 46 პროცენტი იმედოვნებს, რომ მომავალ წელს უკეთ იცხოვრებს, დაახლოვებით ამდენივე რესპოდენტს კი ეკონომიკური კრიზისის გაღრმავების შიში აქვს. კითხვაზე, ელის თუ არა მომავალ წელს კორუფციულ სკანდალებსა და სამთავრობო ცვლილებებს, დადებითი პასუხი გამოკითხულთა 53-მა პროცენტმა გასცა, სახელმწიფო გადატრიალების შესაძლებლობას კი რეალურად რესპოდენტთა მხოლოდ 10 პროცენტი განიხილავს.
