რუსეთის პრეზიდენტის თანაშემწე ვლადისლავ სურკოვი ხვალ სოხუმში ჩავა. ამის შესახებ პოლიტიკური კონიუნკტურის ცენტრის დირექტორი ალექსეი ჩეცკაკოვი იტყობინება. მისივე თქმით, მხარეები აფხაზეთში თურქეთის ეკონომიკური აქტივობის შეზღუდვის საკითხს განიხილავენ. ვიზიტის მიზეზებსა და სავარაუდო შედეგებზე საუბრობს გაზეთ „ჩეგემსკაია პრავდას“ რედაქტორი ინალ ხაშიგიც, რომლის მტკიცებითაც, თურქეთთან ეკონომიკური კავშირების შეწყვეტა აფხაზეთს მძიმე დარტყმას მიაყენებს, რადგანაც აფხაზეთის საგარეო ვაჭრობის 20 % თურქეთზე მოდის.
