საპარლამენტო ოპოზიცია მთავრობის ახალი შემადგენლობისთვის მხარდაჭერას არ გეგმავს. ,,თავისუფალი დემოკრატები“ აცხადებენ, რომ ძველი მთავრობის შემადგენლობა და ძველი სამთავრობო გეგმა ქვეყანას სიკეთეს ვერ მოუტანს.
"გამოდის ამ ხელისუფლებას და ამ მთავრობას ხელს უშლიდა ირაკლი ღარიბაშვილი, რომ დაეძლიათ პრობლემები ეს კიდე რეალობას არ შეესაბამება. მთავრობა იგივე შემადგენლობით და იგივე პროგრამით კარგის მომტანი სიკეთის მომტანი ვერ იქნება ქვეყნისთვის," - აცხადებს დეპუტატი ირაკლი ჩიქოვანი.
შეგახსენებთ, სამშაბათს გახდება ცნობილი, დაამტკიცებს თუ არა საქართველოს პარლამენტი მთავრობის ახალ შემადგენლობას. მანამდე კი საკანონმდბელო ორგანოში ბიუროს სხდომა გაიმართება, სხდომაზე დეპუტატები განიხილავენ, თუ როგორ მოხდება კომიტეტებსა და ფრაქციებში დაჩქარებული წესით სამთავრობო კანდიდატების პროგრამების მოსმენა.
როგორც საპროცედურო საკითხთა კომიტეტის ხელმძღვანელი გიორგი კახიანი აცხადებს, მსგავსი პროფილის კომიტეტები გაერთიანებულ სხდომაზე მოუსმენენ მინისტრებს.
