საპარლამენტო ოპოზიცია მთავრობის ახალი შემადგენლობისთვის მხარდაჭერას არ გეგმავს. ,,ნაციონალურ მოძრაობაში“ მიაჩნიათ, რომ რეალურად ცვლილებები არ მომხდარა და ქვეყნის მართვას კვლავ ბიძინა ივანიშვილი აგრძელებს
"არანაირი სამთავრობო ცვლილებები არ მომხდარა. ბიძინა ივანიშვილი მართავდა და მართვას მთავრობას. თავის შუშის სასახლიდან თავის მარიონეტებს აქეთ იქით ათამაშებს ხოლმე. ეს ჩვენი ქვეყნის პრობლემას ვერ წყვეტს. ხელისუფლება უნდა შეიცვალოს არჩევნების გზით და უნდა მოხდეს ივანიშვილის ჩამოშორება," - აცხადებს გიგა ბოკერია.
სამშაბათს გახდება ცნობილი დაამტკიცებს თუ არა საქართველოს პარლამენტი მთავრობის ახალ შემადგენლობას. მანამდე კი საკანონმდბელო ორგანოში ბიუროს სხდომა გაიმართება, სხდომაზე დეპუტატები განიხილავენ, თუ როგორ მოხდება კომიტეტებსა და ფრაქციებში დაჩქარებული წესით სამთავრობო კანდიდატების პროგრამების მოსმენა.
როგორც საპროცედურო საკითხთა კომიტეტის ხელმძღვანელი გიორგი კახიანი აცხადებს, მსგავსი პროფილის კომიტეტები გაერთიანებულ სხდომაზე მოუსმენენ მინისტრებს.
