საქართველოს პრეზიდენტმა 238 მსჯავრდებული შეიწყალა, - ამის შესახებ შეწყალების სახელმწიფო კომისიის თავმჯდომარე, ზვიად ქორიძემ დღეს გამართულ ბრიფინგზე განაცხადა.
,,დღეს, 2015 წლის 25 დეკემბერს, საქართველოს პრეზიდენტმა გამოსცა შეწყალების აქტი, რომელის საფუძველზეც იქნა შეწყალებული 238 მსჯავრდებული. ამ 238 მსჯავრდებულიდან ქალბატონია 18, ხოლო არასრულწლოვანი მსჯავრდებული არის 3. დღესვე, თავისუფლების აღკვეთის დაწესებულებებს დატოვებს 172 მსჯავრდებული. ეს 172 მსჯავრდებული პრეზიდენტმა სრულად შეიწყალა საპატიმრო სასჯელიდან, ამ 172 მსჯავრდებულიდან 11 არის ქალბატონი და ორი არის არასრულწლოვანი. დანარჩენი 66 მსჯავრდებული, რომელიც არის შეწყალებული დარჩება საპატიმრო დაწესებულებებში, მათ შეუმცირდებათ დარჩენილი სასჯელი. ეს არის იმ შეწყალების საკითხთა კომისიის მიერ განხილული იმ 1452 საქმიდან შერჩეული მსჯავრდებულები, რომელიც პორეზიდენტმა დღეს, 2015 წლის 25 დეკემბერს შეიწყალა", - განაცხადა შეწყალების სახელმწიფო კომისიის თავმჯდომარემ.
