უკრაინის უმაღლესმა რადამ საგადასახადო რეფორმას მხარი დაუჭირა. კანონპროექტს მხარი 251 დეპუტატმა დაუჭირა. გარდა ამისა, უკრაინელმა კანონმდებლებმა სოციალური ხარჯების ოპტიმიზაციას მისცეს ხმა, რაც მათ მომავალი წლის ბიუჯეტის მიღებაში დაეხმარა. საგადასახადო რეფორმის გატარებას კიევისგან საერთაშორისო სავალუტო ფონდი ითხოვს, რაც უკრაინისთვის მორიგი ფინანსური ტრანშის გამოყოფის წინაპირობაა.
