რუსეთის ეკონომიკას შესაძლოა კიდევ ერთი სერიოზული საფრთხე დაემუქროს. ტეხასური ენერგეტიკული კომპანიის, “ენთერფრაის ფროდაქტს პარტნერსის” ხელმძღვანელობამ განაცხადა, რომ წარმოებული ნავთობის ექსპორტს იწყებს. იანვრის პირველ კვირაში კომპანია ჰიუსტონის ტერმინალიდან 600 ათასი ბარელი ნავთობის ექსპორტს განახორციელებს. ნავთობის პარტიას სავარაუდოდ ჰოლანდიული კომპანია “ვიტოლი” შეიძენს. ნავთობის გაუფასურებამ რუსეთის ეკონომიკას სერიოზული დარტყმა მიაყენა, რაც ეროვნული ვალუტის გაუფასურებითა და ეკონომიკის ზრდის ნოლოვანი მაჩვენებლით გამოიხატა. იმ შემთხვევაში, თუ ბოლო 40 წლის განმავლობაში პირველად შეერთებული შტატები ნავთობის ექსპორტს განახორციელებს, “შავი ოქროს” ფასი შესაძლოა კიდევ უფრო დაეცეს.
