სააკაშვილი უკრაინაში თავისი პარტიის შექმნას არ აპირებს. ამის შესახებ მან კიევში გამართულ ბრიფინგზე განაცხადა. ოდესის გუბერნატორის თქმით, ის ძირითადად ანტიკორუფციულ საქმიანობაზე იქნება ორიენტირებული. როგორც საქართველოს ექსპრეზიდენტი აცხადებს, მისი ხელმძღვანელობით უახლოეს ხანებში უკრაინაში კიდევ 4-5 ანტიკორუფციული ფორუმი გაიმართება. სააკაშვილმა კომენტარი უკრაინის პრეზიდენტთან ურთიერთობაზეც გააკეთა. გუბერნატორის თქმით, ის პოროშენკოსთან მეგობრულ ურთიერთობას ინარჩუნებს.
