თავდაცვის მინისტრი თინათინ ხიდაშელი აცხადებს, რომ ლევან მურუსიძის უვადო დანიშვნასთან დაკავშირებით მის მიერ გაკეთებული განცხადება სასამართლო ხელისუფლებაში ჩარევად იქნება აღქმული. თუმცა, იგი მიიჩნევს, რომ მსგავსი გადაწყვეტილების მიღებისას ისინა ენუქიძე უნდა გაიხსწენონ.
„მე დღეს აღმასრულებელი ხელისუფლების წარმომადგენელი ვარ და როგორი გულითაც უნდა მინდოდეს ამ თემაზე კომენტარის გაკეთება, ვერ გავაკეთებ. ნებისმიერი სიტყვა, რომელსაც ახლა ვიტყვი, შემდეგ ბევრი სპეკულაციის საგანი იქნება, რომ ვერევი სასამართლო ხელისუფლების საქმიანობაში. ერთადერთ რამეს ვიტყვი, რომ ირინა ენუქიძე უნდა გვახსოვდეს ყოველთვის, როდესაც ასეთი ტიპის გადაწყვეტილებებს მივიღებთ“, - განაცხადა ხიდაშელმა.
დღეს, პრეზიდენტმა გიორგი მარგველაშვილმა სანდრო გირგვლიანის დედა ირინა ენუქიძე სიკვდილის შემდეგ, თამარ მეფის ორდენით დააჯილდოვა.
