საზოგადოება „ღია რუსეთის“ ოფისში ჩატარებულ ჩხრეკას „იუკოსის“ ყოფილი ხელმძღვანელი გამოეხმაურა. ინტერვიუ მან რადიოსადგურ „ეხო მოსკვის“ მისცა. „ეს ყველაფერი სასაცილოა, მით უმეტეს, რომ „ღია რუსეთის“ არცერთი თანამშრომელი ადრე „იუკოსში“ არ მუშაობდა. უფრო მეტიც, თანამშრომლების დიდი ნაწილი 90-იან წლებში, როდესაც „იუკოსი“ ფუნქციონირებდა, არასრულწლოვანი იყო,“-განაცხადა რუსეთის ხელისუფლებისგან დევნილმა ბიზნესმენმა. ჩხრეკა ფონდის ოფისა და რამდენიმე თანამშრომლის საცხოვრებელ ბინაში დღეს ჩატარდა, რაც რუსეთის საგამოძიებო კომიტეტის განმარტებით, „იუკოსის“ საქმესთან არის დაკავშირებული.
