ლას-ვეგასში მის სამყაროზე მომხდარ სკანდალურ ინციდენტს აშშ პრეზიდენტობის კანდიდატი დონალდ ტრამპი გამოეხმაურა. მილიარდერის თქმით, იმ პერიოდში, როდესაც პრესტიჟული კონკურსი მისი მმართველობით ტარდებოდა, მსგავსი რამ არ მომხდარა და არც არასდროს მოხდებოდა. „გეტყვით, რა უნდა გაეკეთებინათ ამ დაუშვებელი შეცდომის შემდეგ. მათ ორივე კონკურსანტი გამარჯვებულად უნდა გამოეცხადებინათ,“-აღნიშნა ტრამპმა. სკანდალური ინციდენტი კონკურსის ფინალში მოხდა, როდესაც წამყვანმა გამარჯვებულად კოლუმბიელი ლამაზმანი ადრიანა გუტიერესი გამოაცხადა, რამდენიმე წუთში კი გაირკვა, რომ მის სამყარო არა გუტიერესი, არამედ ფილიპინების წარმომადგენელი პია ალონსო ვურტცბახი გახდა. ამის შემდეგ კოლუმბიის წარმომადგენელს გვირგვინი მოხადეს და ფილიპინელს დაადგეს.
