თურქეთის პრეზიდენტი დარწმუნებულია, რომ მოსკოვთან დაძაბული ურთიერთობის მიუხედავად, რუსეთში თურქული პროდუქციის ექსპორტი გაიზრდება. ამის შესახებ რეჯეფ თაიფ ერდოღანმა სავაჭრო-სამრეწველო პალატაში გამოსვლისას განაცხადა. „იმ პრობლემების მიუხედავად, რაც რუსეთთან გვაქვს, დარწმუნებული ვარ, ჩვენი პროდუქციის ექსპორტი რუსეთში კიდევ უფრო გაიზრდება. მინდა დაგარწმუნოთ, რომ სანერვიულო არაფერი გაქვთ,“-აღნიშნა ერდოღანმა.
