ოპოზიციონერი დეპუტატი აკაკი ბობოხიძე ვიცე-სპიკერ მანანა კობახიძეს მოუწოდებს ორმაგ სამართალს თავი დაანებოს.
დღევანდელ რიგგარეშე სხდომაზე, ბობოხიძემ საკუთარი ძმის საქმე მანანა კობახიძის მიერ შეწყალების კომისიაში გაგზავნილ სატელეფონო გზავნილებთან გააიგივა და განაცხადა, რომ მას კობახიძე გულწრფელად ეცოდება.
„ქალბატონო მანანა, ლევან ბობოხიძესა და ზურაბ ჯიბუხაიას ბრალი შეურაცხეს, რომ თითქოს, მათ წინასწარი განზრახვით ერთი კაცის სასარგებლოდ გადაწყვეტილების მიღება მოითხოვეს. იცით, მას ეს ბრალი როგორ წარუდგინეს? - სატელეფონო საუბრით, სადაც ჩემი ძმა გამგებელს კომისის ჩატარებას სთხოვდა და ეუბნებოდა, რომ ხალხს ნუ აწამებთო. მეტი მტკიცებულება არ არსებობდა და თქვენს მიერ კომისიაში უამრავი მესიჯია გაგზავნილი. უნდა აგზავნიდეთ, მაგრამ გააჩნია, რა შინაარსისას. ორმაგ სამართალს თავი უნდა დაანებოთ, გულწრფელად მეუბნებით, რომ მეცოდებით. „ნაციონალური მოძრაობის“ არცერთი წევრი არ მეცოდება - გინდ, ციხეში და გინდ გარეთ, რადგან ჩვენ ერთად ვდგავართ და თქვენს გვერდით თქვენი გუნდის ვერცერთ წევრს ვერ ვხედავ. რა არის მიზეზი? ეტყობა, თქვენში მათაც ეჭვი ეპარებათ და ფიქრობენ, რომ თქვენ დამნაშავე ხართ“, - მიმართა კობახიძეს ბობოხიძემ, რომელსაც უმრავლესობის წევრმა პასუხი არ გასცა.
