,,ნაციონალური მოძრაობის" დეპუტატ გიორგი ბარამიძის განცხადებით, დღეს, ივანიშვილის მთავრობის პირობებში, ქვეყანა სერიოზულ უკუსვლას განიცდის როგორც სისტემური კორუფციის მხრივ, ასევე სხვა დანარჩენ საკითხებშიც.
"დღეს ჩვენ განვიხალვთ ძალიან მნიშვნელოვან საკითხს, რომელიც ქვეყანაში გამეფებული სისტემური კორუფციის ფაქტების გამოძიებას გულისხმობს. რომ ჩინოვნიკების მხრიდან არ იქნება მოპარული და განიავებული ის თანხები, რესურსები, რომელიც ქვეყანას უნდა მოხმარდეს. განსაკუთრებით ყველაზე გაჭირვებულ ადამიანებს - პენსიონრებს, უპოვრებს, ყველა იმ ადამიანს, რომელსაც სახელმწიფოს მხრიდან მხარდაჭერა და დახმარება სჭირდება. სწორედ აქედან გამომდინარეა კორუფციასთან ბრძოლა მნიშვნელოვანი.
ჩვენი ხელისუფლების დროს, მსგავსი ფაქტები არ ხდებოდა. შესაძლოა, ხშირდან ზემდეტად მკაცრი მეთოდებით, მაგრამ ჩვენ კორუფციის დამარცხება შევძელით და ქვეყანა ამ ჭაობიდან გამოვიყვანეთ. დღეს კი, სამწუხაროდ, ივანიშვილის მთავრობის პირობებში, ამ მიმართულებით, სერიოზული რეგრესი, უკუსვლა გვაქვს. საჭიროა შეიქმნას კომისია, რომელიც საშუალებას მოგვცეს საზოგადოებამ გაიგოს სიმართლე და ქვეყანამ მოიცილოს ეს პრობლემები. სამწუხაროა, რომ ამის ნება პარლამენტში არაა." - აცხადებს ბარამიძე.
