შესაძლოა ვიღაცამ თურქეთის ხელისუფლებიდან დააპირა ამერიკელებისთვის ერთი ადგილი აელოკა. ამის შესახებ რუსეთის პრეზიდენტმა ყოველწლიურ პრესკონფერენციაზე სუ 24-ის ინციდენტის კომენტირებისას განაცხადა. „თუ ეს მართლაც ასეა, ძნელი სათქმელია, სწორად მოიქცა თუ არა ის. ისიც რთული სათქმელია, სჭირდებოდა თუ არა ეს ამერიკელებს. არც იმას გამოვრიცხავ, ანკარასა და ვაშინგტონს შორის რაღაც დონეზე წინასწარ ყოფილიყო მოლაპარაკება: მოდი, ჩამოვაგდებთ რუსულ თვითმფრინავს, სანაცვლოდ კი ერაყში შევალთ და ამაზე თვალები დახუჭეთ,“-აღნიშნა პუტინმა. რუსეთსა და თურქეთს შორის ურთიერთობა 24 ნოემბერს გამწვავდა, როდესაც თურქებმა საჰაერო სივრცის დარღვევის გამო რუსული სამხედრო თვითმფრინავი ჩამოაგდეს.
