უკრაინა იმედოვნებს, რომ ევროკომისია და ევროპარლამენტი ვიზალიბერალიზაციასთან დაკავშირებით პოზიტიურ გადაწყვეტილებას მიიღებს და უკრაინის მოქალაქეები ევროკავშირთან უვიზო მიმოსვლას მომავალი წლიდან შეძლებენ. ამის შესახებ ქვეყნის ლიდერმა პეტრო პოროშენკომ ბრიუსელში ვიზიტისას განაცხადა, სადაც ევროსაბჭოს პრეზიდენტს, დონალდ ტუსკსა და ევროკომისიის თავმჯდომარეს, ჟან-კლოდ იუნკერს შეხვდა. უკრაინის პრეზიდენტმა ევროპელ ლიდერებს უკრაინის სუვერენიტეტისა და ტერიტორიული მთლიანობის მხარდაჭერისთვის მადლობა გადაუხადა და იმედი გამოთქვა, რომ ვიზალიბერალიზაციის საკითხი დადებითად გადაწყდება. მისივე თქმით, უკრაინისთვის სავიზო რეჟიმის გაუქმება ევროკავშირში საემიგრაციო კრიზისს არ გააღრმავებს.
