უკრაინის პრემიერ-მინისტრის გადადგომის საკითხი ამ ეტაპზე არააქტუალურია. ამის შესახებ პრეზიდენტ პოროშენკოს, პრემიერ იაცენიუკისა და პარლამენტის სპიკერის, ვლადიმერ გროისმანის ერთობლივ განცხადებაშია ნათქვამი. „დღეს უკრაინაში როგორც არასდროს, ისე გვჭირდება ერთობა. ამიტომ, პრემიერის გადადგომის საკითხი დღის წესრიგში არ დგას. ასევე დაუშვებლად მიგვაჩნია საპარლამენტო კოალიციაში რაიმე სახის განხეთქილება, რადგანაც ეს მტრის წისქვილზე დაასხამს წყალს. “-ნათქვამია განცხადებაში.
